सोनगाव :शहाजी दिघे
सोनगाव : कला, वाणिज्य व विज्ञान महाविद्यालय, सात्रळ येथील सहयोगी प्राध्यापक व हिंदी विभागाचे प्रमुख डॉ. भाऊसाहेब नवनाथ नवले यांना महाराष्ट्र राज्य हिंदी साहित्य अकादमीचा वर्ष २०२३-२४ चा पं. महावीर प्रसाद द्विवेदी स्वर्ण पुरस्कार मिळाल्याबद्दल महाविद्यालयाच्या वार्षिक पारितोषिक वितरण समारंभ प्रसंगी लोकनेते डॉ. बाळासाहेब विखे पाटील (पद्मभूषण उपाधिने सन्मानित) प्रवरा ग्रामीण शिक्षण संस्थेच्या मुख्य कार्यकारी अधिकारी डॉ. सुस्मिता विखे पाटील, प्रमुख पाहुणे डॉ. सतीश घोरपडे, प्राचार्य सुभाष राजवळ पोलीस निरीक्षक संजय ठेंगे, ॲड बाळकृष्ण चोरमुंगे, ॲड आप्पासाहेब दिघे जयवंत जोर्वेकर,रमेश पन्हाळे, सुभाष अंत्रे, प्राचार्य डॉ. सोपान शिंगोटे व मान्यवरांच्या उपस्थितीत डॉ. नवले यांचा सन्मान करण्यात आला. हिंदी भाषा संबंधी लेखनासाठी महाराष्ट्र राज्य हिंदी साहित्य अकादमीच्या वतीने डॉ. नवले यांच्या ‘वैश्वीकरण और हिंदी का रोजगारोन्मुख परिदृश्य’ या पुस्तकास हा बहुमान मिळाला आहे. महाराष्ट्र राज्य हिंदी साहित्य अकादमीचा सन २०२३-२४ या वर्षाचा पुरस्कार सोहळा मार्च २०२४ मध्ये चर्चगेट, मुंबई येथे पार पडला होता. महाराष्ट्र राज्य हिंदी साहित्य अकादमी चे कार्याध्यक्ष डॉ. शीतला प्रसाद दुबे यांच्या हस्ते आणि अकादमीचे ज्येष्ठ सदस्य डॉ. सुधाकर मिश्र अकादमीच्या उपाध्यक्ष डॉ. मंजू लोढा यांच्या उपस्थित डॉ. भाऊसाहेब नवले यांना हा पुरस्कार प्रदान करण्यात आला. ३५ हजार रोख रक्कम, सन्मान चिन्ह असे या पुरस्काराचे स्वरूप आहे. दरवर्षी विविध साहित्य प्रकारातून अकादमी च्या माध्यमातून हिंदी भाषा आणि साहित्याच्या प्रचार-प्रसारासाठी विविध पुरस्कार दिले जातात.
डॉ. नवले यांची आतापर्यंत सत्तरोत्तर हिंदी उपन्यासों के नायक, उपन्यासकार अब्दुल बिस्मिल्लाह की संघर्ष चेतना, वैश्वीकरण और हिंदी का रोजगारोन्मुख परिदृश्य, डॉ. नरेंद्र दाभोळकर यांच्या ‘विचार तर कराल’ या पुस्तकाचे ‘सोचिए तो सही’ या शीर्षकाने हिंदीत भाषांतर आणि यशवंतराव चव्हाण महाराष्ट्र मुक्त विद्यापीठाच्या पदव्युत्तर हिंदी अभ्यासक्रमाकरिता ‘शोध प्रविधि’ या पुस्तकासह एकूण पाच पुस्तके प्रकाशित झाली आहेत. विविध संशोधन मासिकाच्या विशेषांकाचे संपादक म्हणून ही डॉ. नवले यांनी काम पाहिले आहे. विद्यापीठ अनुदान आयोग, नवी दिल्ली आणि सावित्रीबाई फुले पुणे विद्यापीठाचे दोन संशोधन प्रकल्प डॉ. नवले यांनी पूर्ण केले आहेत. अंतरराष्ट्रीय, राष्ट्रीय व राज्यस्तरीय संशोधन पत्रिकेतून त्यांचे ७९ पेक्षा जास्त संशोधन लेख प्रकाशित झाले असून त्यांनी विविध राज्य, राष्ट्रीय आणि आंतरराष्ट्रीय चर्चासत्रांचे यशस्वी आयोजन ही केले आहे. डॉ. नवले सावित्रीबाई फुले पुणे विद्यापीठाचे पीएच.डी. चे संशोधक मार्गदर्शक असून त्यांच्या मार्गदर्शनाखाली तीन विद्यार्थी संशोधन कार्य करीत आहेत. त्यांनी शैक्षणिक कर्त्यव्याबरोबरच वर्ष २०१८ पासून २०२१ पर्यंत संस्थेच्या कला, वाणिज्य व विज्ञान महाविद्यालय, कोल्हार आणि सात्रळ येथे उप-प्राचार्य आणि महाविद्यालय परीक्षा अधिकारी म्हणून ही प्रशासनिक कामकाज पाहिले आहे. त्यांना हिंदी अकादमी, मुंबई या संस्थेचा साहित्यातील मातृभूमि भूषण सम्मान आणि ज्ञानज्योती बहुउद्देशीय संस्थेचा उत्कृष्ट हिंदी अध्यापन पुरस्कार ही प्राप्त झाले आहेत. ‘कमवा व शिका’ योजने च्या माध्यमातून डॉ. नवले यांचा उच्च माध्यमिक शिक्षणापासून पीएच.डी. सारख्या उच्च शिक्षणापर्यंतचा प्रवास आणि तेथून पुढचा शैक्षणिक प्रवास निश्चितच वाखाणण्याजोगा असा आहे. त्यांनी विविध विनानुदानित कनिष्ठ व वरिष्ठ महाविद्यालयासह व राष्ट्रीय संरक्षण प्रबोधिनी, खडकवासला पुणे येथे ही अध्यापनाचे काम केले आहे.
महाराष्ट्र शासनाचा पुरस्कार मिळाल्याबद्दल संस्थेचे अध्यक्ष आणि महाराष्ट्राचे जलसंपदा मंत्री व अहिल्यानगर चे पालकमंत्री ना. डॉ. राधाकृष्ण विखे पाटील, माजी मंत्री आण्णासाहेब म्हस्के पाटील, जिल्हा परिषदेच्या माजी अध्यक्षा शालिनीताई विखे पाटील, प्रवरा इंस्टिट्यूट ऑफ़ मेडिकल सायन्सेस, लोणी चे कुलपति व सावित्रीबाई फुले पुणे विद्यापीठाचे सिनेट सदस्य डॉ. राजेंद्र विखे पाटील, मा. खा. डॉ. सुजय विखे पाटील, संस्थेचे सहसचिव भारत घोगरे पाटील, अतिरिक्त कार्यकारी अधिकारी डॉ. शिवानंद हिरेमठ, अतांत्रिक विभागाचे शिक्षण संचालक प्राचार्य डॉ. प्रदीप दिघे व, उप प्राचार्य व सावित्रीबाई फुले पुणे विद्यापीठ उप-परिसर समिती सदस्य डॉ. जयश्री सिनगर, उप प्राचार्य डॉ. दीपक घोलप, यांच्यासह विविध मान्यवरांनी अभिनंदन केले आणि पुढील लेखकीय कार्यासाठी शुभेच्छा दिल्या.
