अहिल्यानगर :शहाजी दिघे
अहिल्यानगर :राष्ट्रवादी काँग्रेस पक्ष सदस्य नोंदणीचा शुभारंभ आमदार संग्राम जगताप यांचे हस्ते शहराचे ग्रामदैवत श्री विशाल गणपती मंदिरामध्ये प्रातिनिधिक स्वरूपात फॉर्म ठेवून करण्यात आला.
कुठल्याही शुभकामाची सुरुवात श्रीगणेशाच्या आशीर्वादाने होते. आपल्या हिंदू संस्कृतीमध्ये कुठलेही शुभ कार्य करायचे असेल धार्मिकतेपासून करावे लागते. म्हणूनच शहराचे श्रद्धास्थान श्री विशाल गणपती मंदिरात सदस्य नोंदणीचा शुभारंभ केला आहे. श्री विशाल गणपतीचा आशीर्वाद सदैव पाठीशी आहे म्हणूनच सलग तिसऱ्यांदा प्रचंड बहुमतांनी निवडणून आलो आहे. राजकीय कार्य करत असतानाही आपल्या धार्मिकतेला सदैव प्राधान्य देत आलो आहे. अखंड भारत निर्माण होण्यासाठी हिंदुत्वाची खरी गरज आहे. आपलं प्रखर हिंदुत्वच काश्मीर भूमीतील पीओके शब्द पुसू शकतं.
राज्याचे उपमुख्यमंत्री व आपल्या पक्षाचे राष्ट्रीय अध्यक्ष मा. अजितदादा पवार यांच्या नेतृत्वाखाली आपण काम करत असून सर्वांनी पक्ष संघटना वाढीसाठी मोठ्या प्रमाणात सदस्य नोंदणी करावी. पक्षाचे विचार शेवटच्या घटकापर्यंत घेऊन जाण्यासाठी विभागानुसार सदस्य नोंदणीचे नियोजन करावे. आपण महायुती सरकारमध्ये काम करत आहे. महानगरपालिका निवडणुकीमध्ये आपल्याला महायुतीचा झेंडा फडकवायचा आहे.
यावेळी राष्ट्रवादी काँग्रेस पक्षाचे शहर जिल्हाध्यक्ष संपत बारस्कर, माजी उपमहापौर गणेश भोसले, मा. स्थायी समिती सभापती अविनाश घुले, माजी अध्यक्ष प्रा. माणिकराव विधाते, माजी नगरसेवक प्रकाश भागानगरे, संजय चोपडा, संभाजी पवार, महिला जिल्हाध्यक्ष रेश्मा आठरे, कार्याध्यक्ष प्रा. अरविंद शिंदे, सामाजिक न्याय विभागाचे जिल्हाध्यक्ष सुरेश बनसोडे, युवक अध्यक्ष इंजि. केतन क्षीरसागर, विद्यार्थी संघटनेचे शहर जिल्हाध्यक्ष वैभव ढाकणे, संतोष ढाकणे, दीपक खेडकर, शिवाजी साळवे, डॉ. रणजीत सत्रे, मळु गाडळकर, सतीश ढवण, भरत गारुडकर, विनीत गाडे, गणेश बोरुडे, आकाश दंडवते, रेणुका पुंड, मयुरी गोरे, संगीता अकोलकर, सुनंदा शिरवाळे, सुरेखा फुलपगारे, राणी भाकरे, अपर्णा पालवे, शालिनी राठोड, आरती उफाडे, सुनंदा कांबळे, मंजुषा शिरसाठ,आदींसह कार्यकर्ते मोठ्या संख्येने उपस्थित होते.
