अहिल्यानगर मराठी न्यूज : शहाजी दिघे
सोलापूर : कृष्णा-मराठवाडा सिंचन प्रकल्पांतर्गत योजना क्र. २ मधील पडसाळी, दारफळ (जि. सोलापूर) येथील पंपगृहाचा राज्याचे जलसंपदा मंत्री ना.श्री. राधाकृष्णजी विखे पाटील यांच्या शुभहस्ते शुभारंभ करण्यात आला. या कामाची पाहणी करून त्यांनी संबंधित अधिकाऱ्यांकडून योजनेचा सविस्तर आढावा घेतला.
राज्याचे मुख्यमंत्री ना.श्री. देवेंद्रजी फडणवीस साहेब यांचे या महत्वाकांक्षी योजनेकडे विशेष लक्ष आहे. या प्रकल्पाचे उर्वरित काम अतिशय ताकदीने सुरू आहे. या प्रकल्पाच्या माध्यमातून रामदऱ्यापर्यंत मराठवाड्याच्या हक्काचे पाणी लवकरच पोहोचणार आहे. तिथून पुढे शेतकऱ्यांच्या शेतापर्यंत बंद पाइपलाइनद्वारे हे पाणी नेण्याचा आपला प्रयत्न आहे.
आपल्यासाठी हा अतिशय जिव्हाळ्याचा आणि आत्मियतेचा विषय असून तो आता मार्गी लागतोय. १९९९- २००० साली आदरणीय डॉक्टर साहेबांनी हा विषय प्रामुख्याने मांडला होता.
त्यांच्या आग्रहामुळे आणि हा विषय लावून धरल्यामुळेच मंत्रिमंडळाच्या बैठकीत या पाण्याला मंजुरी मिळाली.
याप्रसंगी संबंधित अधिकारी, प्रमुख पदाधिकारी, कार्यकर्ते आणि शेतकरी बांधव उपस्थित होते. मराठवाड्यातील शेतकऱ्यांच्या समृद्धीसाठी आणि विकासासाठी हा प्रकल्प महत्त्वपूर्ण ठरणार आहे. शेतकऱ्यांच्या जिव्हाळ्याच्या या प्रकल्पासाठी आपली जमीन दिलेल्या शेतकरी बांधवांचा यावेळी मंत्री महोदयांच्या हस्ते सत्कार करून आभार व्यक्त करण्यात आले.
