भारत आणि इंग्लंड यांच्यातील पाच सामन्यांची टी20 मालिका संपली आहे. पण इंग्लंडचा भारत दौरा अजून संपलेला नाही. इंग्लंड संघ आता भारतासोबत एकदिवसीय मालिकाही खेळणार आहे.
ज्याचा पहिला सामना ६ फेब्रुवारी रोजी खेळला जाईल. या मालिकेत तीन सामने खेळवले जातील. जे चॅम्पियन्स ट्रॉफीच्या तयारीच्या दृष्टिकोनातून खूप महत्वाचे असतील. दरम्यान, टी २० मालिकेत खेळणाऱ्या भारतीय संघात काही खेळाडू एकदिवसीय मालिकाही खेळतील. म्हणजेच त्यांना विश्रांती मिळणार नाही.
इंग्लंडविरुद्धच्या टी २० आणि एकदिवसीय मालिकेसाठी वेगवेगळे संघ निवडण्यात आले. मात्र, यानंतरही, दोन्ही संघांमध्ये काही खेळाडू समान आहेत. ते खेळाडू दुसरे कोणी नसून हार्दिक पांड्या, अक्षर पटेल, अर्शदीप सिंग, वॉशिंग्टन आणि मोहम्मद शमी हे आहेत. हार्दिक पांड्याने टी २० मालिकेतील सर्व सामने खेळले आहेत आणि खूप चांगली कामगिरी केली आहे. पण त्याला आत्ता विश्रांती मिळणार नाही. अक्षर पटेल देखील पाचही सामने खेळताना दिसला. मात्र, मोहम्मद शमीने दोन सामने खेळले, तर अर्शदीप सिंगने तीन सामन्यांमध्ये प्लेइंग इलेव्हनमध्ये आपले स्थान निश्चित केले.
ही मालिका मोहम्मद शमीसाठी देखील महत्त्वाची होती कारण तो दुखापतीतून बरा झाल्यानंतर बऱ्याच काळानंतर संघात परतत होता. शमीला त्याच्या पहिल्या पुनरागमन सामन्यात यश मिळाले नाही. परंतु जेव्हा त्याला दुसऱ्या सामन्यात संधी मिळाली तेव्हा तो तोच शमी असल्याचे दिसून आले ज्यासाठी तो संपूर्ण जगात ओळखला जातो. कालच्या सामन्यात शमीने २.३ षटकांत २५ धावा देत तीन विकेट्स घेतल्या. मात्र एकदिवसीय मालिका अजून बाकी आहे आणि शमीच्या तंदुरुस्तीची खरी परीक्षा त्यातच होईल.
इंग्लंडविरुद्धच्या एकदिवसीय मालिकेसाठी भारतीय संघ: रोहित शर्मा, शुबमन गिल, विराट कोहली, श्रेयस अय्यर, केएल राहुल, हार्दिक पांड्या, अक्षर पटेल, वॉशिंग्टन सुंदर, कुलदीप यादव, हर्षित राणा, जसप्रीत बुमराह, मोहम्मद शमी, अर्शदीप सिंग, यशस्वी जयस्वाल, ऋषभ पंत, रवींद्र जडेजा
